Kinders so opgewonde oor WaterWise

Matjiesriver NGK Primer is 'n klein plaasskooltjie, ongeveer 40 km vanaf Ceres, oppad Karoo toe, waar ongeveer 60 kinders van omliggende plase, skoolgaan. Die besoek van WaterWise het op die regte tyd gekom!Dit raak so warm gedurende somermaande, dat die kinders soms elke dag swem. Hulle weet dit is gevaarlik; hulle weet dat hulle onder volwasse-toesig moet swem en hulle weet ook dat hulle ouers altyd moet weet waar hulle speel. Die vraag ontstaan, 'word dit altyd toegepas?'Na die werkswinkel het die kinders besef waarom dit nodig is om veiligheidsreels toe te pas. Die kinders het die aanbieding werklik geniet, spontaan saamgepraat en erken dat hulle meer versigtig by water moet wees.