Wie het al amper verdrink?

SKOLE VIND BAAT BY WATERWISE WERKSWINKELSDit was vanoggend 'opedag' by Ceres Primer; kinders kon gewone klere aantrek en hulle was duidelik opgewonde oor WaterWise se besoek. Dit is altyd lekker vir die kinders om 'n kuiergas by die skool te he. Van die kinders het my herken, want ek was ook verlede Vrydag by die grondslag-fase-kinders. (Volgende week word die meer senior leerders, KPR geleer.)Met vriendelike gesiggies is ek by die skool begroet .... hierdie gesiggies het later groot-oog en tjoepstil na my geluister. Van hulle maats het al verdrink; hulle self het ook al amper verdrink. Hulle weet hoe gevaarlik water kan wees ... 'maar tannie, ons weet nie altyd wat om te doen nie!' het een van die kinders opgemerk. Die meeste kinders wil inspring en 'n maat red! Ongelukkig kan daardie kind self ook nie altyd goed swem nie, so sy lewe is ook in gevaar! Moenie sommer in die water spring, indien jy 'n lee bottel met 'n tou (reddingsgordel) na hom kan gooi of hom met jou arm of 'n paal/stok kan bykom nie. Dit is baie moeilik om iemand na veiligheid te bring en jy moet 'n baie sterk swemmer wees daarvoor.'Dink voordat jy doen', is 'n spreekwoord wat die kinders sal onthou!