Reddingsboeie in KoueBokkeveld:

Entoesiastiese kinders het vanmiddag vir my die damme gaan wys waar daar gedurende die somer maande geswem word. 'Natuurlik mag die kinders nie in die damme swem nie', het Clerina Coenraad, wat by Graaf Fruit:Rietfontein se nasorgsentrum werk, gesê. Ten spyte van die 'SWEM VERBODE' bordjies, swem die kinders tog gereeld sonder volwasse toesig.Albie Venter, bestuurder by Rietfontein, het dadelik ingewillig toe ek hom nader oor die projek. 'Die veiligheid van ons kinders is belangrik.'Gelukkig besef die kinders van Rietfontein hoe gevaarlik damme en riviere is, en dat hulle altyd ekstra versigtig moet wees naby water. Ek glo dat hierdie veiligheidsmaatreël kinders nog meer bewus sal maak van die gevare van water. Ruaan Engelbrecht, Rowan Janse (rooi hempie) en Mityle van Wyk.