WaterWise in die Boland en in die Overberg:

WaterWise in die BolandDie meeste plaasskole en -huise is naby damme en riviere geleë ... met die Boland se uiterse warm somersdae, koel die meeste van die kinders in die damme en riviere af. Selfs die personeel raak soms bekommerd, aangesien hulle weet dat kinders sonder toesig gaan swem. Mnr. Ockhuis, die skoolhoof van Voorsorg Primêr in die Koue Bokkeveld het gesê dat WaterWise op die mees perfekte tyd die skool besoek het. Sommige kinders erken dat hulle sonder toestemming en sonder toesig gaan swem, terwyl ander onderlangs na hul maats loer. Gelukkig bied WaterWise die geleentheid dat kinders die basiese beginsels van waterveiligheid kan leer. Selfs die personeel van Mooi Uitsig leer ook die noodnommer : 10177WaterWise in die OverbergNa die tragiese verdrinking van 3 kinders verlede jaar, het Heinrich Sauls van Riviersonderend 'n plan probeer beraam dat so iets nooit weer die gemeenskap sal tref nie. Eoudia Erasmus van WaterWise is genader en verskeie werkswinkels is oor 2 dae aangebied. Kinders is geleer wat om in 'n noodsituasie te doen, hoe om 'hands-only' KPR toe te pas, en natuurlik hoe om voorkomend op te tree. Heinrich Sauls van Riviersonderend saam met 'n paar van die kinders by Badisa Nasorgsentrum. Ten spyte van die snikhete son, het skoliere van Riviersonderend Primêr die besoek van WaterWise aan hul skool baie geniet.WaterWise @ Graham Beck Nasorgsentrum naby RobertsonVriendelike personeel, spontane en hulpvaardige kindertjies het my verwelkom toe ek by die plaas stop. Wat 'n heerlike aanbieding was dit nie! Die kinders het spontaan deelgeneem, vrae gevra en elkeen sou graag 'n beurt wou kry om op Junior, die KPR-pop te oefen. Die inhoud van die werkswinkel het die kinders soos 'n handskoen gepas. Volgens een van die juffrouens, Cynthia Kobeni, gaan swem kinders soms in die riviere sonder enige volwasse toesig. 'Nou het hulle geleer wat hulle alles moet doen en hoe om ook KPR toe te pas', het sy verder gesê.Baie dankie aan Carolyn van Anna Foundation wat WaterWise genader het om die nasorgsentrum te besoek. Dit was voorwaar vir my 'n voorreg en ek glo elke kind het geleer hoe om in 'n noodsituasie op te tree en watter nommer geskakel moet word.Eoudia word met trots geborg deur TNPA Een van die leerders oefen KPR, terwyl sy maats toekyk