SOMER & SWEM GAAN HAND AAN HAND

Swem is die mees gewildste tydverdryf gedurende somervakansies. Dit is egter belangrik om te weet dat kinders, sowel as volwassenes altyd veilig moet wees naby water. Gedurende die Desember-vakansie word talle kinders blootgestel aan die gevare van water, en dit is dus belangrik dat elkeen moet weet hoe om in 'n noodsituasie op te tree, watter noodnommer om te skakel en hoe om 'hands-only' KPR toe te pas.Mnr. Jacobs, 'n opvoeder by Paardekloof, in die Witzenbergvallei naby Ceres, het gesê dat dit beslis goed is dat kinders die aanbieding bygewoon het. 'Dit kan beslis help gedurende die vakansie. Selfs ons volwassenes het weer baie geleer.'Kinders van die WarmBokkeveld was ook op 'n daguitstappie na Ceres se plaaslike munisipale swembad. Eoudia Erasmus is gevra om 'n WaterWise-werkswinkel aan te bied - nie om kinders te leer swem nie, maar om hulle bewus te maak van die gevare van water. Op die grasperk, onder die bome, langs 'n glashelder swembad, is talle kinders, waterveiligheid geleer. Na afloop van die aanbieding, het die kinders met nuwe insigte die water geniet.Alhoewel die WaterWise-program uitsluitelik vir kinders daar gestel is, vind volwassenes baie baat by die aanbiedings. Waterveiligheid is dus definitief nie net vir kinders nie, volwassenes moet ten alle tye die reëls nakom.WaterWise word met trots geborg deur TNPA By die Dennebos word kinders geleer hoe om 'hands-only' KPR toe te pas. 'n Groepie leerders van die Witzenbergvallei kyk hoe een van hul maats 'hands-only' KPR oefen. Gurshwin Cloete en sy maat, Nolan Baron demonstreer aan hul maats dat hulle amper verdrink het, toe hulle mekaar uit die water moes help. (Nolan het amper verdrink; Gurshwin het ingespring om te help, maar nie besef dat sy maat hom in die water sal afdruk nie.) 'Ons was amper dood', het hulle vertel.