HOU KOP EN WEES WATERWISE

Leerders van Montrouge Primere skool naby Tulbagh kyk hoe Desney
Williams, 'hands only' CPR oefen.‘’n Paar skole naby De Doorns was die afgelope paar weke deur WaterWise besoek. Gedurende die 40 minute wat per periode beskikbaar was, is kinders geleer hoe om water-veilig te wees, wie om te skakel tydens ‘’n noodsituasie en hoe om op te tree tydens ‘’n noodgeval. Klas vir klas (groep vir groep) het die werkswinkel bygewoon en die kinders het dit vreeslik baie geniet.By elke skool wat besoek is, het kinders reeds familie of vriende wat verdrink het, aan die dood afgestaan. Moontlik is dit juis as gevolg van hierdie rede, dat kinders so geïnteresseerd was in die WaterWise aanbieding en aktiwiteite. 'n Paar kinders van Van Cutsem Combined School oefen CPR.Op Tulbagh het ‘’n onderwyser van Montrouge (VGK) Primêre skool, Mnr. Brand, aan die kinders vertel hoe hy sy eie dogtertjie gered het. Gelukkig is hy ‘’n baie goeie swemmer en kon hy inspring om haar te red. “Dit was egter glad nie maklik nie! Ek het ook amper verdrink,” het hy verder vertel. “Ja, ‘’n ongeluk gebeur so gou en WaterWise kom om vir julle te leer wat om te doen. Kinders, julle moet kophou! Dit is baie belangrike inligting!” het hy ook aan die kinders gesê.My wens is voorwaar aan elke kind en persoon wat naby water kom ... Hou Kop! ...WaterWise word met trots geborg deur TNPA 'Druk hard en druk vining' - Dis is wat Anthony Jansen van FJ Conradie
Primer altyd sal onthou.
So kan jy iemand se lewe red! Trotse skoliere van FJ Conradie naby DeDoorns : 'Ons is almal WaterWise!'