KINDERS VERDRINK 'AMPERTJIES'

Carlo Andreas van Piet Hugo Gedenk (NGK) Primere skool leer 'hands only CPR', terwyl sy maats toekykLanger as 'n jaar gelde, het WaterWise vakansie-werkswinkels by bewaarskole in die Koue Bokkeveld aangebied. Baie van die kinders kon WaterWise se 'PLAN' en 'TRIPPLE H' (HHH) onthou, en het genoem dat hulle dit defintief sal toepas indien dit nodig sou wees.Alhoewel WaterWise die kinders vermaan om nie sonder volwasse toesig te gaan swem nie, vertel kinders tog tydens ons besoeke, dat dit wel gebeur dat hulle alleen en 'skelmpies' dam toe gaan. In die klassituasie was dit duidelik dat daar die afgelope tyd wel kinders was wat 'ampertjies' verdrink het. Groot-oog en doodstil het die skoliere van Piet Hugo Gedenk geluister en na die koerantberiggies gekyk, toe ek vir hulle van 'n paar gevalle van verdrinkings vertel het. Die kinders lees nie elke dag die koerante nie, en besef nie hoe baie mense verdrink nie.Mense, veral kinders is soms oningelig, en weet nie altyd wat om in noodsituasies te doen nie. WaterWise bied 'n geleentheid vir kinders om die noodnommer te leer, wat om in noodsituasies te doen, en hoe om op te tree.WaterWise is met trots geborg deur TNPA.