Eoudia Erasmus raporteer: WaterWise het vroeer die jaar 'n werkswinkel by Boplaas Primere skool aangebied, maar aangesien die Opleidingsentrum in die Koue Bokkeveld 'n aanbieding aangevra het, het ek dadelik ingestem om weer die skool te besoek. Die kinders het my dadelik herken en groot was my verbasing toe hulle die PLAN en KPR onthou!
'n Spontane, goed gedissiplineerde groep kinders was deel van 'n wonderlike, leersame oggend. Ek wens ek kon langer by die skool vertoef, want die kinders was so entoesiasties en almal sou graag self 'n beurt wou he om 'hands-only' KPR op Annie te oefen.
Plakate herinner kinders om daagliks WaterWise te wees.
Leerders van KoueBokkeveld is die afgelope tyd weer opnuut bewus gemaak van die gevare van damme, riviere en kanale. Tydens elke werkswinkel wat aangebied is, ontvang die skool ook plakate. Danksy WaterWise se borg, TNPA, is kleurvolle plakate uitgereik en pryk dit in elke skool se klaskamer. Sodoende word kinders daagliks herinner om 'WaterWise' te wees.
