EDUCATION / 14 DECEMBER 2012

KINDERS GENIET VAKANSIEPROGRAM:

Plaaskinders speel gedurende die vakansietye gereeld naby damme, riviere en kanale. Soos die afgelope paar dae, raak dit ontsettend warm in die Boland en kinders soek na die water vir lafenis. Die meeste ouers werk gedurende die seisoentyd, en kinders gaan dus sonder toestemming en volwasse toesig, swem. Nodeloos om te se, dat gereeld gehoor word van kinders wat 'amper' verdrink. (Ouers is nie daarvan bewus nie, want die kinders gaan swem sonder toestemming!) WaterWise bied die geleentheid vir elke kind om waterveilig te wees, twee keer te dink hoe om op te tree en wat om in noodsituasies te doen.

Evelyn Leukes van Koinonia Youth Enterprize, wat een van WaterWise se vakansie-werkswinkels bygewoon het, se kommentaar was as volg:

'WaterWise lesse is aangebied met baie entoesiasme! Die outjies het dit geniet om deel te wees van die aktiwiteite. Almal se belangstelling was geprikkel en die leerders het die belangrikheid van die aktiwiteite besef. Die lesse is verstaanbaar en maklik om te onthou. Kinders sal weet hoe om dit self te implimenteer.'WaterWise is met trots geborg deur TNPA.

Eoudia Erasmus is besig om 'hands only CPR' aan die kinders van Romansrivier te wys.