Teen die hange van die Witzenberge, op 'n plaas net buite Tulbagh, is Steinthal Vaardigheidskool.Pragtige jong seuns en dogters word hier onderrig, terwyl hulle ook in die koshuis tuisgaan. Die kinders kom hoofsaaklik van plase; Ceres, Wolseley, Saron, Gouda en Tulbagh. Vir sommige was dit die heel eerste keer dat hulle gehoor het van CPR ... en 'little Annie' was 'n heel vreemde pop! Die kinders was sigbaar opgewonde oor WaterWise se besoek en het spontaan aandie aktiwiteite deelgeneem - die tyd het ongelukkig net te vinnig verby gegaan.Na afloop van die aanbieding vir die 14 tot 16 jariges, het die personeel my genader om ook die res van die skool te besoek. 'Kinders het dit baie geniet; hou aan om ander te bemagtig', was die terugvoering van Mnr Swigelaar.
