WaterWise : Wolseley Sekonder

Koerantberigte van kinders wat verdrink het, laat Wolseley Sekonder se kinders tjoepstil sit.Kinders verstaan wat 'verdrinking' beteken. Hulle ken ook heelparty kinders wat reeds verdrink het. Die feit dat van hul maats ook al verdrink het, kan sommige kinders nie werklik afskrik nie. My doel vanoggend was, om die kinders bewus te maak van die gevare van water ... en wat om in 'n noodsituasie te doen. En dit was voorwaar 'n uitdaging! Toe ek egter vanoggend se koerant uit my sak haal, met 'n hoofopskrif 'Kaapse topleerder op toer in Vrystaat verdrink', was almal egter tjoepstil, en het ek onmiddelik almal se aandag gekry.Na afloop van die werkswinkel was daar nog heelparty kinders wat graag kompressies op Annie wou oefen; van die kinders het ook vertel dat hulle groot maats was met 'n leerder wat verlede jaar in 'n plaasdam verdrink het.Mnr. Abrahams, die skoolhoof, het ook vertel hoe hy as kind, iemand met 'n stok of pyp uit die water gered het.Talle stories word gereeld gehoor ... indien jy 'n verddrinking of amperse-verdrinking oorleef, kan jy dankbaar wees!