MENS KAN OOK IN DIE WINTER VERDRINK

Ek ry verby verskeie damme, oppad na 'n WaterWise werkswinkel by 'n plaasskool, Rietfontein N.G.K. Primer, ongeveer 60 km vanaf Ceres. Water ... damme, riviere ... noodsaaklik vir enige boerdery. Maar dit kan ook lewensgevaarlik wees.Toe ek by die skool aankom, is dit nog pouse en kinders speel en baljaar buite rond; Vir 'n meer welkome ontvangs kon ek nie gevra het nie. Kinders hardloop spontaan nader; sommige onthou my van 'n vorige besoek. 'Dis te koud om vandag te swem!' roep een van die kinders.'Nee, man!' se 'n ander een. 'Mens kan ook in die winter verdrink!'Die werkswinkel word sommer op die stoep van die skool aangebied; dis heerlik in die wintersonnetjie en die kinders geniet dit om buite te wees.Al die hande skiet in die lug toe ek vra: 'Wie van julle swem graag in 'n plaasdam?' 'Wie kan swem?' Alle hande weer in lug.'En as die dam diep is ... en die water tot so hoog soos die skool se dak?' 'O, nee!!' Net een of 2 hande word toe opgesteek.Waterveiligheidswenke word bespreek; hulle word geleer wat om in 'n noodsituasie te doen en hoe om op te tree. Die praktiese oefening van KPR bly natuurlik die hoogtepunt.deur Eoudia Erasmus.