WATERWISE MAAK ‘N VERSKIL

WATERWISE MAAK ‘N VERSKIL …. MEER AS WAT ONS BESEF!Meer as 2 jaar gelede het ek by Laastedrift NGK Primer ‘n WaterWise-werkswinkel aangebied. Vanoggend het ek ‘n opvolg besoek gehad; kinders raak mos groter, (en ons ouer!) en ek het regtig nie gedink dat so baie van die kinders my sou onthou nie.Almal het dadelik geweet toe ek vra … “wie het amper verdrink?”Vanoggend het ek vir die tweede keer hierdie jaar gehoor …. “ek het ‘n stok gesoek om my maat te red – ek het onthou wat jy vir ons vertel het.”Danksy WaterWise en Henkie en sy maat se vinnige optrede, het hy ‘n lewe gered. Die insident het wel 2 jaar gelede gebeur, maar ek glo dit is klokhelder in die kinders se geheue. ‘n Mens vergeet sekerlik nie gou so iets nie.Vandag is Henkie skaam om daaroor te praat … Graig wat amper verdrink het, praat ook nie veel nie, maar al hulle maats weet van die voorval.Dalk is hulle bang vir pakslae? Onderwysers, ouers en plaaseienaars maan gedurig vir die kinders om weg te bly van plaasdamme … maar, ‘n kind bly ‘n kind … en ‘n dam bly ‘n heerlike lafenis vir ‘n snikhete somersdag!Ja, Ja! WaterWise het meer hero’s as wat ons dink!